Mezislovanština - Interslavic

Družstvo František Alexandr Zach tradično povezuje muže iz različnyh narodov, od različnyh političnyh nazrěnj, različnyh religij, različnogo vzrasta, i različnyh životnyh izkušenostij. Družstvo jest občina vnutrišno svobodnyh mužev, ktori poslě svojego silnogo razsudženja priglasili se k idealam reda masonov. Členi družstva zajedno usilujut o svoje sebeznanje, o duhovno i moralno razvitje svoje i vsej ljudskoj občiny v duhu tolerancije s pomočju ritualov i symbolov i prijateljskyh sustrěč.

Naše družstvo ne jest ni religijozno ni ezoterično družstvo. Takože to ne jest učebna, politična ili charitativna organizacija ili toliko klub na uživanje svobodnogo vrěmene. Naše družstvo jest blizko od tutogo vsego, kako jest prigodno našim členam. Družstva i lože iz vsego světa razlišajut se svojim harakterom i vnutrušnoju atmosferoju, ale sojedinuje jih humanitny ideal i inicijačna prirodnost bratstva držučego prastare ritualy.

Sodrženje, cělje i instrumenty masonstva byli popisane v mnogyh dobryh, menše dobryh i takože mnogo ložnyh tekstah. Kako novy kamen do tutoj bogatoj mozajky pridavajemo několiko prostyh informacij, ktore govoret o strukturě i aktivnosti jednogo srědno velikogo pražskogo družstva (budučej lože).

Družstvo František Alexandr Zach dnes imaje vyše od deseti členov iz vsih generacij. Brati sut srědnoškolno ili univerzitno obrazovani. Družstvo jest bogato od različnosti profesij svojih bratov. V družstvu sut napriměr muzikanti, živopisni tvorci, lěkari, juristi, komputerovi eksperti, ekonomi, trgovci, i pensioneri.

Naše družstvo bylo osnovano 2018 g. s planom byti buduča loža pod patronacijeju Velikoj Lože Češskoj Republiky.

Strěčajemo se v času od měseca septembra do měseca juna, pravilno dvě strěčenja v jednom měsecu. Kromě tradičnyh masonskyh ritualov gotovujemo prezentacije različnyh temat blizko povezanyh s etikoju, simbolikoju, historijeju, i sodrženjem masonstva. Poslě tutyh strěčenj imajemo občinsku večeru, ktora poslěduje na cehovo-majstorske tradicije masonstva.

Družstvo František Alexandr Zach kromě togo ješče razvivaje dobrotvornu blagodělateljnost.

Členi našego družstva posěčajut druge lože sojedinjene pod Velikoju Ložeju Češskoj Republiky i takože inozemne lože, ktore sut uznavane od Velikoj Lože Češskoj Republiky. Prvo od vsego, take strěčenja s masonami iz vsego světa pomagajut do porazuměnja i tolerancije medžu narodami.

Poněkogda v godu gotovujemo strěčenja s našimi partnericami. Take strěčenja pravilno soprovadžaje kulturny i socijalny program.